IB-125 Ralhrang Camp Hriamnam Lakmi Cu A Tam Taktak

IB-125 SAC ralkap battalion nih hriam an chiah mi pawl an lanhgter. November 28 ah Shan ramkulh, Kokang hmunram, Konkyan hrambunh SAC Infantry battalion-125 nih an battalion ning in MNDAA sin ah hriamnam an chiah i cu IB-125 SAC camp in an laak mi hriamnam pawl hmanthlak cu nihin ah social media ah a hung lang.

November 28 ah Regional Operation Command (ROC)-Laukkai kuttang ah a um mi IB-125 battalion commander cu MNDAA he bia an i ruah hnu ah an battalion ning in hriamnam an rak chiah. Hriamnam a chia mi cu IB-125 lawng si lo in SAC palek, pyithusit, phu dang in SAC ralkap hna le an chungkhar pawl he ti in an dihlak minung 272 an si.

An langhter mi cazin ning ah cun IB-125 in ralkap 93, Operations Command Headquarter-16 in ralkap 36, Operations Command Headquarter-12 in ralkap 14, palek 11, Operations ruahnak petu 5 ti in SAC kuttang hriamtlai 186 an si i an chungkhar minung 86 an si. Hmanthlak chung ah hriam ngan he a hme he tam taktak hmuh khawh a si i, phung ning in thanhnak an tuah rih lo ca ah zeizat set a si tu cu fiang in theih a si rih lo. THP

Leave a Comment